/OFT GEATS DA NIT

GUAT

Oft geats da nit guat, oft valosst die da Muat. Oft bist du entsetzt, oft weast du verletzt. Oft stöllst du da Frogn, oft konnst goa nix mehr sogn. Oft bist du heita, oft woast nimma weita. Oft valosst di des Glück, oft mechst wieda zurück. Oft schaust auf die Uhr, oft mechst oafoch a Ruha. Oft mechst neama leben, oft mechst ois hegebn. Oft sixt nua mehr dei Leid, oft sixt goa neama deine Freidn. Oft bist schlecht drauf, oft nimmst ois in Kauf. Oft bist bescheidn, oft konn ma vieles nit vermeidn. Oft denkst da vü duach, oft startst an nein Vasuach. Oft resigniast, oft koan Rückhoit mea gspürst. Oft, do mechst steabn, oft ist des Leben a Vadeabn. Oft konnst noch hoffn, oft is ois fi die no offn. Oft mechst ois schoffn, oft konnst die gonze Nocht nit schlofn. Oft ibakimmp di da Zweife, oft fluachst wia da Teife. oft feit da da Wün, oft mechst die bemühn.